Ubícase este xeodestino na zona de confluenza dos vales dos ríos Miño, Avia, Arnoia e Arenteiro. Con dous epicentros marcados nas vilas de Ribadavia e O Carballiño.

Os tesouros que concentra este territorio defínense en torno aos deliciosos viños da antiga D.O Ribeiro, as augas termais e minero-medicinais presentes en moitos concellos, ademáis de variadas rutas de sendeirismo que combinan a rica cultura da zona cunha natureza exuberante. Igrexas, mosteiros e vilas de fundación medieval tecen a apaixoante historia deste lugar.

Entre os seus monumentos destacan o famoso Mosteiro de Oseira, o contemporáneo e máxico Templo de A Veracruz, o imprescindible Museo do Viño de Galicia, o monumental Castro de San Cibrán de Las, ou a señorial e rica poboación de Pazos de Arenteiro.

O Ribeiro – Carballiño condensa a esencia da cultura, historia e natureza ourensana nun recollido e sorprendente territorio cheo de recunchos con encanto.

Destino acolledor que ofrece excursións incribles para pechar con alfinetes de luxo; desfrutando de instalacións termais, ou ben dun nutritivo e saboroso prato de Polbo á Feira maridado cun bo viño do Ribeiro.